PizzaExpress (已結業)

一班新同事難得投緣，雖然唔同地方返工，但係都能夠聚首一食晏真係好開心方便起見，搵啲近近地既地方，又想坐得舒服，所以揀左去 Pizza Express。中午十二點幾辦公室午飯時間，Pizza Express 縱使多人，都仲可以walk in唔洗點等。裡面環境光猛空間感大，大玻璃窗望街都唔錯，可惜唔係望海。 星期一至五中午開就有呢個 Express Lunch Set, 二人餐確係幾抵食，有兩個前菜、一個主菜加兩杯飲品，加埋都只係$128。 前菜先黎薄切三文魚，煙三文魚加上橄欖油同酸豆，煙燻味配上酸酸味道清新開胃。南瓜蓉沾醬配麵包球，其實唔太食到薄荷味。蒜蓉香味強，加左非常少量辣椒同胡椒調味層次豐富，南瓜加上松子仁則好味又健康。 主菜份量不少，兩人分剛剛好。薄餅屬薄批，入口同其他材料融為一體，唔會成口麵粉。茄味濃又有淡淡菇香，豬肘肉味鮮且油而不膩，加埋橄欖更加唔會令口腔有種heavy既感覺，睇落重味但食落輕盈。另外服務都好友善細心，雖然成日都會盡量支持小店，不過有心既公司都應該要支持。