La Resaca (已結業)

.Friday lunch同朋友過黎呢間新餐廳試下，lunch menu都有好幾樣選擇，包湯、沙律、main、飲品，價錢唔過$200，算幾抵食~-前菜-雜菜湯 - 味道正常，唔會過咸，小法包幾好食沙律 - 有吞拿魚粒，沙律菜都新鮮，味道正常-主菜-香煎虎蝦西班牙飯 ($158)以鑊盤盛載，即叫即整，上枱時熱焫焫😍虎蝦開邊，食落夠爽口，飯粒夾雜西班牙肉腸粒、雜菜，炒得粒粒分明，味道都幾好幾香的。鹽燒頂級翼板肉牛扒 ($178)翼板肉本身有細筋路同多油花，但食落唔會覺得難咬，口感較Q，煎得剛好，肉質都嫩同juicy。配菜係薯蓉，打得幾滑，如果加上牛油就更好食了！我地仲叫左份churros一齊食，配上朱古力同奶油醬，好邪惡但真係好想食🤤churros都係即叫即炸，炸得較軟熟，甜度剛好，都唔錯既。飲品我叫左熱檸茶，朋友叫左咖啡，有小小既拉花，都ok既。呢到環境都幾chill，播住輕快音樂。店員服務都幾好，整體感覺都覺得唔錯的。