Sushi N

營業中

休息中

出咗bonus 要慶祝一下，當然要食好嘢，見到Sushi N有全日omakase $698一位再加一，性價比不錯，決定帶朋友嚟試。前菜沙律酸甜開胃。茶碗蒸蒸蛋嫩滑，除了三文魚子，還有冬菇，蟹柳絲等。蠔來自岩手縣，好大又肥美，肉質爽滑。刺身兩品甜蝦他他，甜蝦蓉加上岩鹽及菊花做調味，口感綿密配香脆鱈魚片食。然後間八魚刺身，配特製松露酸汁，加上啲紫蘇花一齊食。和食吉列大蝦熱辣辣，大蝦肉質爽口。個蝦頭炸得非常香脆，蘸d自家製蕃茄醬一齊食，好味。壽司五貫蜜柑鯛壽司，散發淡淡蜜柑香氣。黑鯥魚壽司，火炙後甘香，配上三星漬。伊佐木壽司，配柚子胡椒，味道清新。北海道鮫鰈魚壽司加上魚裙邊，經火炙，好肥美嘅感覺。雲丹北海道紫海膽軍艦，紫海膽creamy味道細膩。鮑魚清酒煮鮑魚壽司，鮑魚好腍鮮味。拖羅中拖羅，好肥美，油香十足，大滿足。壽司五貫嘅最後一貫，火炙銀鱈魚配炸京蔥絲，魚味加上魚油香濃。和牛海膽卷師傅火炙和牛放上壽司卷上面，然後再放上海膽，好吸引。和牛融化再配上香滑海膽，正。吸物面豉湯裡面有豆腐昆布還有蜆肉。海鹽雪糕最後甜品，海鹽雪糕微咸的海鹽味，幾特別。