薄餅型 (已結業)

上個星期日去旺角行街，行到油麻地途經呢間「Pizza In」，見到二人餐幾抵就買咗個套餐同朋友食。平時都有外賣㗎！2人餐 $169任何 1款大批薄餅 /Any one of big pizza我揀咗夏威夷薄餅，大批係12吋。除咗有肉同埋菠蘿，仲有滿滿嘅芝士，好滿足！唔好見呢度咁細間舖頭，其實選擇都好多。仲有辣肉腸、鮮蝦海鮮、芝士、肉色主義、同埋素食主義薄餅添！佢哋仲可以一件一件買添，配合唔同人嘅需要。肉醬意粉 1份 / 蘑菇飯 1份 / 1 Spaghetti / 1 Mushroom rice我揀咗肉醬意粉，分量充足。表面好多芝士，蕃茄好鮮甜，就咁食呢個都夠飽！2件脆雞 / 2 Fried chicken估唔到個size都幾大喎！個皮都好香脆，最緊要熱辣辣快啲食～任何2款飲品 / Any 2 drinks有可樂忌廉雪碧芬達汽水，仲有檸檬茶同菊花茶！有汽水以外嘅飲品實在太好啦！我唔鍾意飲汽水，所以揀咗飲茶。