La Pizza Express

營業中

休息中

天氣咁好就去觀塘海濱行下，原來附近都好多野食，咁岩搵到間係滑板場附近既pizza店，坐底食個pizza，睇住人踩板，配合埋微微既海風，環境都舒服。叫左個香草雜菌薄餅，即叫即整，勁多配料，每啖都食到幾舊菇，而且清清地，幾好味。炸芝士薯條好似小貴咁，但份量絕對驚人，兩個人食都夠哂，又係即叫即炸，而且佢配芝士醬好夾，食到停唔到。想健康番小小就叫個藜麥毛茄沙律，又係份量驚人，咁既價錢食左咁大兜真係好小見，而且係勁多沙律菜，對比起d cafe shopping既沙律真係冇得比，佢既藜麥係每啖都有，絕對冇取巧。飲品叫左奇異果鮮果汁，正常發揮，鮮果汁同埋見到食用限期都係幾日後，應該都係新鮮野。雖然個位置唔會成日去到，但係行開觀塘海濱嘅話真係可以坐低食下，價錢唔係話好貴如果兩個人share嘅話都幾抵食，而且份量真係好足夠，輕鬆chill 下，傾下計都唔錯。