Macaroni Dessert Bar (已結業)

今日早咗收工找呀媽去行街食飯， 去完黃埔行街， 就去咗「Macaroni Dessert Bar」食晚餐， 餐廳位於紅磡蕪湖街179號地舖。 餐員俾咗個電子餐牌我揀野食， 主菜加$60就可轉做Set Dinner, Set Dinner 有頭盤、餐湯、餐包 同 甜品， 抵呀， 咁就要Two Set 啦！ 頭盤有煙三文魚沙律或巴馬火腿沙律。 蘑菇湯入口香濃，口感香滑細緻， 味道適中。 黑松露芝士法包， 口感好好， 好鬆軟。主菜有《半熟刺身帶子黑松露意大利飯》， 有三大粒帶子， 又大又厚肉， 帶子燒到金黃色， 入囗又爽又甜， 好好味！ 意大利飯加咗黑松露， 充滿香噴噴嘅黑松露香味， 再加上什菌嘅清香， 香滑嘅忌廉， 味道出奇地好食，好正！仲叫咗個《熊本霜降和牛西冷 》，叫咗七成熟， 和牛嘅油脂分佈特點平均， 入口十分juicy ! 牛肉味香濃， 肉質鮮嫩，口感豐富， 好食呀！ 跟餐仲有個靚靚甜品， 蛋糕又香又滑，仲唔會太甜， 好啱我。