School Food (已結業)

Blue Monday嘅lunch想食好啲，喺沙田返工所以就去新城市覓食喇。今日同事就帶咗我去School Food食。Set Lunch比晚餐時段抵食好多，一個價錢包小食、主菜、飲品同甜品，價錢由$68起(另收加一)。我哋三位分別揀咗1)綠野蒜烤豬肉八爪魚飯 $82(2)韓絲熱捧鐵鍋飯 $88(3)牛牛鐵鍋飯 $82今日嘅特飲喺柚子茶，甜品係抹茶紅豆布甸。小食未到，主菜先到😑。(最後成個主菜食完，再催一催小食先送到)先講我嘅綠野蒜烤豬肉八爪魚飯 ，一見到碗"飯"，我個反應係呆咗，雖然隻碗係好大，但表面完全俾沙律菜同豬肉覆蓋哂，一啲飯同八爪魚都見唔到(有一刻以為係咪嚟錯咗😂)。原來八爪魚同啲飯已經撈埋一齊，喺底下嘅係有味八爪魚飯。烤豬肉好入味，而且唔會太嚡，幾好。揀主菜時明明見到有兩隻辣椒仔，點解食咗大半個飯一啲辣味都無？食到最底先發覺自己未撈好個飯，不過好彩唔算太辣。（依個飯嘅份量都幾大）至於另外兩位同事嘅主菜，同事話依個韓絲熱捧鐵鍋飯幾辣，要不斷飲水。至於牛牛鐵鍋飯(無影相)，啲流心蛋遮住啲牛肉，睇起上嚟好似無咩食。特飲要咗凍柚子蜜，超甜，我覺得甜嘅程度係不杯可以沖兩杯，最後要自