牛涮鍋 (已結業)

呢日柴娃娃貪高興🥳 #小秘書 同班 #朋友仔 嚟到 MouMouClub 牛涮鍋 WTC 世貿中心 分店 #打邊爐。以我記憶以前嘅 #牛涮鍋 同眼前嘅裝飾有啲唔同，成間餐廳似乎嚟咗個大革新。裝修以彩色為主，而每個座位都有獨立嘅電爐，再唔使被迫陪朋友洗筷子啦😅一如以往 #小秘書 都係揀最Basic嘅 #牛肉套餐🤪套餐裡面除咗一碟質素非常普通嘅牛肉，外面仲有一小時無限添加嘅 #肉丸、#蔬菜、#汽水、#雪糕...，我就比較喜歡佢嘅 #帶子丸，咬落去真係有一陣海鮮味㗎，味道比較突出。而家仲新加添左 #沙律 同埋 #甜品，所以如果只係要求填飽個肚，呢度一定滿足到你😏 不過呢度似乎冷氣唔多夠，食食吓都有啲出汗😅 唯有整杯雪糕降下溫啦🤪