楓雅廊咖啡閣 (已結業)

今日同朋友去咗美麗華大堂咖啡廳食Tea Buffet，好抵食，$80一位，連加一都只係$88。不過個名好似叫The artrium(唔知有無串錯呢﹗)，但個訂座電話又係呢個喎，所以我將個食評POST喺呢度啦﹗我地原本以為$80都唔會好多嘢食啦，點知熱葷都有成七八款(有點心，仲有粥…)、冷盤連三文治都有十幾款(最正係有燕窩海鮮鮮果沙律)，甜品又有十幾款(大多以朱古力做主題，仲有幾款曲奇餅…)，仲有TCBY雪糕，朱古力梳乎里(但要排隊，因製作需時…)同班戟…啲嘢食好好味，又不斷refill，而且refill嘅款式又同之前唔同，所以前前後後有成幾十款嘢食，真係唔錯呀﹗