影片
更多
2019-10-29
1979 瀏覽
難得今次跟住食評冇中伏，哈哈。最近試過覺得性價比好高嘅餐廳之一係呢間位於銅鑼灣嘅「咖啡熱」，以樓上鋪黎講，位置都幾方便，平日午市同假日早午餐價格都唔貴，當中嘅慢煮安格斯腹肉牛扒好有水準，肉味濃，值得試下喎餐廳採用會員制形式，入座需要留低名字同電話號碼頭四位數字作記錄。餐廳面積唔算好大，座位有限，加上最近比較多人去支持佢地，所以都幾建議先訂位，好在我地到訪時間尚早，店員都話可以坐接近兩個鐘，感謝餐廳裝潢簡約，以水泥牆身配搭木、白色桌椅，牆上貼有不少標語、每枱擺放乾燥花裝飾。呢幾個可以望向街外嘅大玻璃窗位置幾舒服，我地就揀左坐呢度。壁畫。週末早午餐共六款包括全日早餐、三文治、意粉、沙律等，定價$78-138，附西式餐湯。亦可以半價追加飲品同以$20加配自家製蛋糕 (當日有朱古力布朗尼、伯爵茶奶凍)。慢煮雞胸配蒜香忌廉扁意粉 $78以木盤呈上，份量好足。是日西式餐湯係西蘭花湯，裡面無添加太多忌廉，質地唔會話好杰撻撻，健康好飲。雞胸慢煮，基本上可以放心，完全唔乾柴，而且食落有串燒嘅孜然香氣以菇菌墊底，而且我幾鐘意扁意粉質地，唔會過份creamy或油膩，帶啲蒜味，好食又唔貴！慢煮安格斯腹肉牛扒三
餐廳採用會員制形式，入座需要留低名字同電話號碼頭四位數字作記錄。餐廳面積唔算好大，座位有限，加上最近比較多人去支持佢地，所以都幾建議先訂位，好在我地到訪時間尚早，店員都話可以坐接近兩個鐘，感謝
餐廳裝潢簡約，以水泥牆身配搭木、白色桌椅，牆上貼有不少標語、每枱擺放乾燥花裝飾。呢幾個可以望向街外嘅大玻璃窗位置幾舒服，我地就揀左坐呢度。
壁畫。
週末早午餐共六款包括全日早餐、三文治、意粉、沙律等，定價$78-138，附西式餐湯。亦可以半價追加飲品同以$20加配自家製蛋糕 (當日有朱古力布朗尼、伯爵茶奶凍)。
慢煮雞胸配蒜香忌廉扁意粉 $78以木盤呈上，份量好足。
是日西式餐湯係西蘭花湯，裡面無添加太多忌廉，質地唔會話好杰撻撻，健康好飲。
雞胸慢煮，基本上可以放心，完全唔乾柴，而且食落有串燒嘅孜然香氣
以菇菌墊底，而且我幾鐘意扁意粉質地，唔會過份creamy或油膩，帶啲蒜味，好食又唔貴！
慢煮安格斯腹肉牛扒三文治 $118/6oz當然我更推薦三文治，腹肉牛扒絕不欺場切成約20小件，慢煮至軟腍，重點係肉味明顯
麵包薄脆，以焦糖洋蔥、生菜平衡肉感，一啖包一口肉，好幸福，不過我略嫌個sauce酸左少少少少。
Cafe Latte +$19
伯爵茶奶凍 +$20奶凍都有誠意嘅，茶味重，仲配一球雪糕。
離開前見到旁邊嘅客人點左全日早餐，痴線好豐富啊，總之，呢間有下次！
張貼
