茶太郎

營業中

休息中

幾耐唔一次去深水埗，口痕痕想搵D野咬下，又唔想太飽肚，於是就決定買杯台式飲品，甜甜地有得食有得飲，今次刻意唔揀周圍都有嘅大牌子，最後決定咗呢間。我叫咗杯椰果白玉珍珠奶茶(半糖走冰)，貪佢有2種配料，揸住行街可以食耐D，杯野飲嘅顏色比較淺，奶茶嘅茶味亦比較淡，可能唔多唔少比椰果嘅汁溝稀咗，但我一向都食開味淡嘅野，所以覺得OK。白玉珍珠比平時食開嘅黑珍珠腍小小，無咁彈牙同無咁煙韌，接近芋圓嘅質地多D，睇下大家鍾唔鍾意啦。如果你都咁啱去開深水埗，又想試下大型連鎖品牌以外的新口味，不妨試一試呢間，味道可能好主觀，但至少價錢方面無得輸(平時飲開2份料都要$3X)。