樂天大喜屋 (已結業)

旺角樂天大喜屋環境幾闊落，order既食物種類都幾多！任飲任食幾過癮，價錢唔貴，某些時段仲有做優惠，更加化算！場內大量飲品選擇，更加有sake放題區，值回票價！當然必點是刺身，都沒有漏單情況，叫幾多黎幾多，三文魚肥美， 牡丹蝦算大隻，膠質感幾重，新鮮彈牙！解凍程序做得幾好。翠玉瓜清新爽脆， 經過微微燒香更加惹味， 仍然保留到瓜嘅汁相當好食！西京燒比目魚， 燒汁好香，魚肉香柔，油份好足！再配沙律醬更加突出。榴槤波波，炸鮮奶都非常香口，質感creamy, 前者味道幾香濃，但又唔會太膩，炸鮮奶外層香脆內層柔軟。牛肉烏冬亦幾有質數，烏冬彈牙有質感，湯頭幾香濃吸哂牛肉汁味道！