Ideas Dessert (已結業)

山長水遠去到荃灣探望友人，終於食到之前想試耐的呢間ideas dessert~ 網上見到有好多好好味的抹茶甜品相片，身為抹茶迷的我，當然不會錯過這次機會！首先食左抹茶雪山，抹茶軟雪糕有濃濃的抹茶味，我同友人忍唔住食過一口又一口，真的幾好味！雪山的冰就比較淡味點，連埋抹茶雪糕、甜甜的紅豆食落口，就配合得剛剛好！食完雪山，剛剛焗好的熱辣辣抹茶心太軟又上枱啦！心太軟配上的雪糕球，都好足抹茶味，不過個人比較鐘意抹茶軟雪糕的味道！心太軟的濃濃抹茶流口都好合我心意，配合埋一齊，冷熱交融～實在是太幸福了！下次想食抹茶又唔怕遠的話，呢間甜品店都會係我食抹茶的不二之選！