中村藤吉 (已結業)

作為抹茶控既我最大既目標就係食暈全港既抹茶餐廳，但係自己食冇乜癮 ，又試得唔多，今次特登搵埋阿姨一齊食 。一入到去真係呆左，好似入左去博物館咁，旁有個雪櫃放很多抹茶食物，旁邊有一包包既茶葉供大家購買，中間有個石磨display。我地係等枱既時候已經一早睇定叫乜，叫左個京之精選，抹茶蕎麥麵同抹茶芭菲，京都有抹茶同培茶蛋糕各2塊，好鬆軟，有抺茶味但不算濃，我覺得培茶比抹茶更好食。抹茶芭菲真的很出色，雪糕很重抹茶味，但唔會覺得苦。對比之下，抹茶蕎麥麵則比較清淡，食落第一口有少少與眾不同既感覺，但再食就唔太出，清清地都幾好食既。每人食左不足2百大元，食抺茶既餐廳其實都差不多，但感覺上佢專業得多，我絕對會再encore！！