影片
更多
2017-02-12
1011 瀏覽
食遍全港抹茶甜品係我其中一個人生目標 今日又去銅鑼灣發掘美食 本來諗住試其他甜品店 但聽聞呢到有間唔錯既抹茶甜品店 咁就同朋友一齊轉移陣地 去呢間名為京林屋既地方試下呢間餐廳非常有日本風味 以本屋為主題 仲有樹林做襯托 入面既裝潢都好有心思 令食客賞心悅目 唔單止可以享受美食 仲可以欣賞美景我同朋友睇左個餐牌一陣都做唔到決定 因為實在太多選擇 每一個選擇都好吸引 又想食蛋糕 又想食雪糕 又想食蕨餅 最後朋友叫左個讚歧烏龍麵兩份share 🍜 烏冬口感同味道一流 麵條非常爽口彈牙 呢樣野唔需要多講～😋 今次既重點係塊腐皮😍 我朋友平時通常唔會揀冇肉既餐 因為怕會冇鮮味好寡 但呢兩塊腐皮果然令人眼前一亮😍👍🏼 塊腐皮味道甜甜地 食落有淡淡既豆香 咬落仲軟綿綿☺️ 再配埋個湯 成個感覺好清新 超好味！ 😆我就點左抹茶蕎麥麵～ 我超級中意蕎麥麵 平時都會點呢個做正餐 雖然佢冇肉 好似會好寡 但事實完全唔係咁～ 我最中意蕎麥麵既清新 仲有細緻既口感☺ 今次呢個抹茶口味係第一次試 比起平時食既蕎麥麵多左一分香甜既味道～重點係蕎麥麵既湯頭 非常清新 淡淡既醬油味 加埋青芥末 真係好惹味～ 我同朋友都好
呢間餐廳非常有日本風味 以本屋為主題 仲有樹林做襯托 入面既裝潢都好有心思 令食客賞心悅目 唔單止可以享受美食 仲可以欣賞美景
我同朋友睇左個餐牌一陣都做唔到決定 因為實在太多選擇 每一個選擇都好吸引 又想食蛋糕 又想食雪糕 又想食蕨餅 最後朋友叫左個讚歧烏龍麵兩份share 🍜 烏冬口感同味道一流 麵條非常爽口彈牙 呢樣野唔需要多講～😋 今次既重點係塊腐皮😍 我朋友平時通常唔會揀冇肉既餐 因為怕會冇鮮味好寡 但呢兩塊腐皮果然令人眼前一亮😍👍🏼 塊腐皮味道甜甜地 食落有淡淡既豆香 咬落仲軟綿綿☺️ 再配埋個湯 成個感覺好清新 超好味！ 😆
我就點左抹茶蕎麥麵～ 我超級中意蕎麥麵 平時都會點呢個做正餐 雖然佢冇肉 好似會好寡 但事實完全唔係咁～ 我最中意蕎麥麵既清新 仲有細緻既口感☺ 今次呢個抹茶口味係第一次試 比起平時食既蕎麥麵多左一分香甜既味道～
重點係蕎麥麵既湯頭 非常清新 淡淡既醬油味 加埋青芥末 真係好惹味～ 我同朋友都好滿意呢個湯 入面仲有少少蔥黎調味 清純得黎又帶點香口既味道 😋 我地暴風吸入地食曬所有麵條 😂 呢個值得一試
抹茶沙冰雪糕係一杯好得意既飲品 上面球雪糕一路飲一路溶 令到杯沙冰愈飲愈濃～ 呢個綠茶雪糕茶味甘香 綠茶味既濃度適中 好有宇治既風味 🍵😋
抹茶雪糕香甜回甘🍵🍦入口食到好清新既抹茶味 香濃細滑☺️ 面頭嗰兩粒係煙韌既丸子 下面有甜脆麥、充滿淡淡豆香既豆腐布丁、香甜既紅豆 紅桑子同埋甘香抹茶凍😍 有機會要再encore 😁💕
抹茶蕨餅配有一種類似糖漿既焙茶醬～ 將醬汁淋喺蕨餅上面 加上面頭入口即溶既抹茶粉 成塊蕨餅充滿香濃回甘既抹茶味☺️ 蕨餅口感非常煙韌🍡 抹茶味好足好地道🍵
呢個係我淋左啲抹茶粉上去之後既樣 自己淋上去好新鮮 😂 雖然淋得有啲醜樣 但勝在可以自己調整粉末既份量～
好享受今次既抹茶之旅 甜品味美 服務員態度親切 仲為我地主動端上茶水同埋收碟～ 雖然價錢略貴 但係一個好既美食體驗
張貼
