影片
更多
2024-01-19
65 瀏覽
呢篇唔係一篇食評，其實係2篇加埋。因為本身去完一次想寫，點知寫之前又去多左一次。所以唔好問點解一條友食咁多野，因為唔係一次過食嘅！抹茶軟雪糕配黃豆粉＋白玉＋紅豆($63)就咁睇一個軟雪糕$63好似有D貴，但係試過你就知值得！呢間野嘅所有抹茶甜品都係超高水準，而且係實而不華。唔會搞好多花巧野，成個樣就係你去日本D老店會見到嘅外觀。就係抹茶軟雪糕，灑上黃豆粉，旁邊有白玉同紅豆。只係整齊放好，但雪糕極滑而綿密，唔係食空氣。抹茶香濃，呢間野做得抹茶專家，對抹茶粉要求甚高。以我所知佢地個茶粉不時會同唔同日本葉品牌合作，即係話你喺呢度食到飲到嘅味，係其他地方難以食到。只係呢樣野，就立即令我覺得價回票價。宇治抹茶蒙布朗杯 ($89)呢個係秋天限定，我相信好快冇。頂級宇治抹茶混合徳島栗子，我3年前疫情前的12月就去左一次徳島，仲食到水尾的徳島栗子。外層呢個栗子MIX抹茶的栗子泥超級驚喜，徳島栗子的甜平衡了宇治抹茶的甘，宇治抹茶和清左栗子的甜膩，入面仲有抹茶軟雪糕同埋士多啤梨蛋糕底。口感相當豐富！有心思，有誠意！抹茶卷($40)又係實而不華之作，我覺講過，佢用嘅宇治抹茶味道有別其他地方。所以食佢地嘅野係
抹茶軟雪糕配黃豆粉＋白玉＋紅豆($63)
就咁睇一個軟雪糕$63好似有D貴，但係試過你就知值得！呢間野嘅所有抹茶甜品都係超高水準，而且係實而不華。唔會搞好多花巧野，成個樣就係你去日本D老店會見到嘅外觀。就係抹茶軟雪糕，灑上黃豆粉，旁邊有白玉同紅豆。只係整齊放好，但雪糕極滑而綿密，唔係食空氣。抹茶香濃，呢間野做得抹茶專家，對抹茶粉要求甚高。以我所知佢地個茶粉不時會同唔同日本葉品牌合作，即係話你喺呢度食到飲到嘅味，係其他地方難以食到。只係呢樣野，就立即令我覺得價回票價。
宇治抹茶蒙布朗杯 ($89)
呢個係秋天限定，我相信好快冇。頂級宇治抹茶混合徳島栗子，我3年前疫情前的12月就去左一次徳島，仲食到水尾的徳島栗子。外層呢個栗子MIX抹茶的栗子泥超級驚喜，徳島栗子的甜平衡了宇治抹茶的甘，宇治抹茶和清左栗子的甜膩，入面仲有抹茶軟雪糕同埋士多啤梨蛋糕底。口感相當豐富！有心思，有誠意！
抹茶卷($40)
又係實而不華之作，我覺講過，佢用嘅宇治抹茶味道有別其他地方。所以食佢地嘅野係有佢地獨特性格喺當中。成件蛋糕只Cream、抹茶同麵粉都係日本出品。該甜的地方甜，該甘的地方甘。外軟內滑，我覺得叫tea set跟呢個配個熱日本茶係最夾！
Iced Chasen Matcha Latte （$57）
茶筅(Chasen)即係日本茶道用黎打合茶粉同水嘅果個刷，即係話呢個Matcha Latte你係可以見到佢係用個茶筅打好個抹茶再混入奶中。我唔多講呢個Matcha Latte，我就講一句，你睇佢真係就咁一個直身玻璃杯，好似叫杯橙汁咁，俾枝飲管你就上枱。乜花巧都冇，卻係我在香港飲過最好飲嘅Matcha Latte。請務必去試！
一句講哂，作為一個抹茶控，我欣賞Via Tokyo一件事。抹茶野，就係唔係一味濃就大哂。茶之所以成「道」，就係因為就算俾一樣嘅茶粉你，只要你對茶了解不夠，都係做唔到同一個水平嘅味道。
張貼
