茶之環 (已結業)

搵新抹茶甜品，已經變成呢期嘅習慣，不過好多都係抹茶雪榚，好多都外賣唔到返去同肥髀共享，今次呢間甜品店在日本超市內，旁邊都係甜點店，競爭好大，行高級甜食路線，櫃檯簡潔，抹茶甜品深綠色，唔夠西式西餅色彩繽紛吸引，不過我自己喜歡試新嘢，埋去櫃檯睇，抹茶甜點款式好多，當我猶豫不決時，店員阿姐出聲幫手，仲好識做生意，第一時間比兩粒蕨餅我試，我揀好一款，佢話兩款套餐價就平啲！揀好兩款再講可以優惠價買多件福餅，而唔會覺得hard sell!之後攞住收費單去超市收銀處比錢！呢樣唔太方便，又要走一輪，而且可能會同買日用品嘅客人排隊！時間用多好多！幸好今日唔多人，排幾個到我！比完錢就攞單返櫃檯攞餅，阿姐已經包好，手挽透明盒精緻，每款餅都有獨立蓋好，唔怕傾瀉！而且仲有冷凍劑！可以保持溫度一段時間！冷凍劑仲用墨綠紙咭包好！好細抹茶蕨餅杯（$60）套餐價$55，膠杯黑色有花紋，日本味重，蕨餅都幾多，煙韌微甘，黃豆粉多，味道甜甜的！中和了蕨餅嘅甘味！抹茶啫喱杯（$60）套餐$55，賣相幾靚，不過唔喜歡紅豆蓉有啲發白，好像浸咗好耐咁！上面用透明啫喱覆蓋，啫喱唔太甜，抹茶啫喱太滑，留唔到在口腔，未感受到抹茶味已經吞！