京林屋 (已結業)

帶囡囡去圓方公園玩，由地鐵站一上電梯，就已經見到京林屋，抹茶控既我一定不能錯過。秘製抹茶蕨餅$88有我至愛既蕨餅，去到邊見到我一定會買黎食，因為香港唔易搵到，抹茶粉和黑蜜是另外上的，但我只會加抹茶粉，茶味甘香，蕨餅如果再煙韌一點就好了。特製林屋抹茶餡蜜$78有抹茶雪糕，紅豆、白玉丸子、寒天、抹茶啫喱，抹茶紅豆真的是絕配，抹茶味香濃，白玉丸子煙煙韌韌，真的好味到不得了。 抹茶卷蛋（$88） 抹茶卷蛋很鬆軟，蛋糕和忌廉有濃濃的茶味，帶點苦澀，而且食完都不會膩。抹茶牛奶忌廉（$48）（熱）牛奶和抹茶味平衡得好好，口感好滑口，奶味不會完全遮蓋抹茶味。