京都抹茶庵 (已結業)

係尖沙咀食完晚餐，想搵甜品食，但尖沙咀既糖水真係無乜選擇，所以就揀左依間知道好耐，但一直未食過既日式甜點~雖然有限時，但假日人都唔多，店員無催大家離開，可以慢慢坐下。今次一共叫左3樣甜品：黃豆蕨餅、抹茶雪糕冰 同 焙茶芭菲 🍵黃豆蕨餅黃豆粉好多，完全包住哂d蕨餅，好香；蕨餅亦都好新鮮，好煙韌，又唔會好甜，可惜無包裝好既買返屋企！🍧抹茶雪糕冰 抹茶雪糕又係好濃既抹茶味，貨真價實！雪糕好滑好香，配上甜度適中既紅豆蓉、煙韌既白玉同抹茶蒟蒻，可惜冰底只係普通冰唔係牛奶冰，如果係牛奶冰就更加分啦。🍨焙茶芭菲勁多料好豐富，食好耐先食到底層。有好濃茶味既焙茶雪糕+有煙韌既白玉+有甜度適中既紅豆蓉 > 有焙茶味既蛋糕(無咩特別) >中間有層白色既脆脆 > 最底有滑滑既焙茶布甸。整體味道不錯，不過性價比就低d。