湯品小棧 (已結業)

黑仔我整一隻牙攪左万幾蚊，今日放假繼續去杜牙根，醫那裂左既牙牙，由於醫生卜左下午，所以就去到附近小店食。呢度有五張枱，下午去都幾爆場，好多等外賣呢。特別推介清燉湯45熱辣辣可愛粉紅盅裝住，黑虎掌同豬肉好足料，一上桌已香噴噴，湯好清，一點肥都無，啱我呀，仲有金華火腿陳皮甘荀木耳絲瘦肉等，一半湯一半料，好健康。蕃茄濃湯豬軟骨18肉幾軟，份量幾多，蕃茄味淡淡的。軟骨位亦幾多，好爽。黑虎掌菌醬14外面好少見有呢個醬，味道特別濃郁，幾有口，撈面食刺担担面的肉碎，辣得黎好過癮，推。不過一定要同主食同吃，單吃偏咸。台灣新竹米粉9呢個幼身米粉，好適合牙無牙力近來既我，嘻。是日甜品24抹茶芝士旦糕質地滑身，刺布甸啫喱咁滑一滑，唔會甜又有茶味，個底唔硬，薄一薄，成個口感好light，今餐最正係呢樣。核桃米露10凍個樣好刺朱古力奶，米味淡淡的，核桃也是，不過十個大洋，呢個比一般甜飲抵多健康多。食後感：第一次呢度飲燉湯，價錢幾相宜，食物好健康咁，每樣細細地，可以一次過試好多，啱曬心大心細既我。