影片
更多
2017-06-19
328 瀏覽
老麥太醒太識做，專出香港人口味俘虜香港人既心，繼上次大熱紫薯之後，又出返爆熱抹茶系列，叫人如何唔捐錢比呀麥兄洗下呢！生日 P 開動 🤘🏿 例牌一人一支 #抹茶新地窩夫筒配雀巢抹茶朱古力 當紅酒咁乾左去先，但可惜呀，雪糕冇乜抹茶味反而有隻膠味，今次真係堅系「雪膠」！最好食就係果支綠茶 KitKat 😂食完個前菜就入 main course，是日主題 #十八件麥樂雞配麥樂雞滋味醬組合，都抵食既，有 4 隻唔同醬料，「韓式辛辣醬」、「韓式烤肉醬」、「蜜糖芥末醬」、「檸檬香草醬」，個韓式辛辣醬係大伏，似濃縮左既漂白水仲未稀釋，電視都有教 1:99 啦，咁濃想搞到人腎炎咩，個韓式烤肉醬都唔好得去邊，雖然冇咁濃縮個味不知所謂，唔知點溝出黎，檸檬香草醬都唔錯有小小香同清新，冇咩問題，最正常最好味都係原始呢隻蜜糖芥末醬 😋係時候入戲肉窮食生日蛋膠！簡簡單單一日夾幾蚊十蚊都唔洗就食到 #抹茶新地窩夫配雀巢抹茶朱古力 happy share，插條蠟燭又係一條好糕 🎉 雪膠依然係膠味，驚喜既反而係個窩夫出奇地好味，小脆加內軟有窩夫味，係幾好食！講到最驚喜，最驚喜一定係 #抹茶新地配抹茶醬，隻膠味冇左，另外有
食完個前菜就入 main course，是日主題 #十八件麥樂雞配麥樂雞滋味醬組合，都抵食既，有 4 隻唔同醬料，「韓式辛辣醬」、「韓式烤肉醬」、「蜜糖芥末醬」、「檸檬香草醬」，個韓式辛辣醬係大伏，似濃縮左既漂白水仲未稀釋，電視都有教 1:99 啦，咁濃想搞到人腎炎咩，個韓式烤肉醬都唔好得去邊，雖然冇咁濃縮個味不知所謂，唔知點溝出黎，檸檬香草醬都唔錯有小小香同清新，冇咩問題，最正常最好味都係原始呢隻蜜糖芥末醬 😋
係時候入戲肉窮食生日蛋膠！簡簡單單一日夾幾蚊十蚊都唔洗就食到 #抹茶新地窩夫配雀巢抹茶朱古力 happy share，插條蠟燭又係一條好糕 🎉 雪膠依然係膠味，驚喜既反而係個窩夫出奇地好味，小脆加內軟有窩夫味，係幾好食！
講到最驚喜，最驚喜一定係 #抹茶新地配抹茶醬，隻膠味冇左，另外有抹茶醬另上，兩樣溝埋之後今次真係有真．抹茶味，真係估你唔到又幾好味，拎黎點麥樂雞真係世界級超級正，正式宣布 5 隻醬入面最好味既係「抹茶雪糕醬」🤤
P.S. 推薦 #抹茶新地配抹茶醬 ——————————————————————
#十八件麥樂雞配麥樂雞滋味醬組合 $34.5
#抹茶新地窩夫筒配雀巢抹茶朱古力 $12
#抹茶新地窩夫配雀巢抹茶朱古力 $38
#抹茶新地配抹茶醬 $20
——————————————————————
#McDonald
金鐘夏愨道 18 號海富中心地下 1-41 號鋪A
九龍塘達之路 80 號又一城 2 樓 L2-28 號鋪
太古太古城道 18 號太古城中心五樓 505 號舖
張貼
