有間本舖 (已結業)

屋企人話想食古早味蛋糕，今次試下呢間有間本舖先，黃色招牌多sharp醒，離遠都望到了。蛋糕密密出，好香呢，雖然無誇張嘅人龍，但黎買嘅人都未停過。一般古早味蛋糕個盒設計上都差不多，大小都係呢個size，呢度用紫色又幾搶眼喎，而且紙盒外仲有一個膠袋，就算因為蛋糕太熱出左倒汗水都唔怕個盒軟到墮底。是日揀左抹茶紅豆口味，印左店名嘅logo幾得意。蛋糕超級香，切起上黎軟綿綿，質感綿密副彈性。綠茶味不算太強，但都食到淡淡嘅綠茶香，中間的紅豆甜甜地，但整體不算甜很啱口味，食一件都幾飽喎。唔知其他口味幾點出爐呢？想試下越蔓莓～