茶茶GO (已結業)

第一次幫襯依間台灣過江龍店鋪「茶茶Go」嗰時，因為係同朋友邊行邊買邊食，所以唔記得影下相寫下食評，但因為依間嘅出品真係令我念念不忘，所以今次又去左回購，今次自己買翻屋企食，可以坐定定影下相寫食評，上次幫襯飲唔到嘅逮丸芋頭系列，今次買到手，作為芋頭控，兩款都緊係要飲。逮丸芋頭1號，採用手工芋泥、黃金珍珠、鮮乳製成；手工芋泥口感綿密，芋蓉、芋頭粒口感交集，味道香甜；黃金珍珠，焦糖香琥珀珍珠，焦糖味道濃香，口感Q彈；鮮乳牛奶味道醇厚，口感順滑。逮丸芋頭2號，採用紫芋鮮奶、小芋圓製成，雙重芋頭味道，紫芋鮮奶味道甜香，芋泥口感軟綿；小芋圓口感煙韌，包裹住芋頭蓉，芋頭蓉口感軟糯。抹茶豆乳盒子蛋糕，5層用料層次分明，豆乳忌廉、蛋糕、抺茶奶油、紅豆泥、蛋糕；豆乳忌廉口感細滑，豆乳味道清香帶甜；蛋糕口感軟熟，蛋香味濃；抹茶奶油茶味濃厚、帶有回甘，濃度7.5分，齒頰留香，中和蛋糕整體甜度，配以紅豆泥食用，味道更佳。雙拼蟹黃、原味肉鬆小貝，採用黃金戚風蛋糕、蛋黃醬、肉鬆；蟹黃肉鬆小貝口感外鬆脆內鬆軟，表面鋪左白芝麻，食落味道更加香口，蟹黃味道咸鮮，整體味道好豐富；原味肉鬆小貝肉鬆口感香脆，配以蛋黃醬食用，口