滿記甜品 (已結業)

屯門時代廣場呢排有minions場內裝飾睇，難得今日準時放工就同朋友一齊去果度影相，順便去嘆返碗糖水，吹吓水！嚟得滿記或其他糖水舖，當然要下啲新穎少少嘅甜品，直覺話我知我今晚想食抹茶！就點了呢個抹茶彩虹嘞！(/5分為滿分)一睇碗野，真係好色彩繽紛喎，不過同餐牌嘅好飽滿，舖得好靚嘅樣成反比，呢碗係疑似偷工減料嘅一碗紅豆雜果抹茶雪糕，啲抹茶Jelly全都喺晒碗底，視覺大扣分！不過抹茶同紅豆係永遠嘅好朋友，如果呢刻有宇治金時，我相信我會齋點而放棄彩虹雜果！至於我朋友就點咗呢碗雪山榴槤（配綠茶雪糕），重口味，無試過佢果碗所以不予置評了。