抹茶館 (已搬遷) 新店位置

話明抹茶館就更係主打抹茶啦。一開始重以為D野食都係抹茶TIM, 原來D main唔係抹茶黎, 如果係既話會更有特色。 首先講番D關抹茶事既野飲先。味道唔錯。抹茶上面有cream同雪糕, 甜完之後有苦, cream既奶油味好足, 令到抹茶更滑, 但可惜冰可能加得太多, 所以其實抹茶味會淡左, 而甜味亦唔夠。野食方面反而比起佢地主打既抹茶更為好食。芝士蕃茄拉麵既蕃茄湯底既茄味非常濃, 同茄汁有得比, 而芝士方面, 面有一層焦, 應該有燒過。拉麵既口感適中, 唔會太硬而且帶點彈性。雞肉好滑但無茄味。朋友叫左個燒豚肉丼, 我食左一啖, 唔知點形容, 汁既味道甜甜地, 帶點柚子味, 開胃。最後就講下個芭菲, 真係好好味。我諗真係極力推薦, 綠茶雪糕既味道真係好好, 唔似得出面既野果種咁, 帶點奶香, 的確應該一試。會再黎, 因為真係唔錯, 食物既品質亦有水準。GOOD。