京林屋 (已搬遷) 新店位置

京林屋係一間出名食抹茶甜品嘅店，今日就同個朋友嚟試一試😁我地嗌咗三個甜品share, 分別係抹茶芝士蛋糕set, 特製林屋抹茶餡蜜同抹茶半月布丁。抹茶芝士蛋糕set跟一杯茶，朋友揀咗桃味焙茶。芝士蛋糕唔係好大件，旁邊配有抹茶雪糕，紅豆蓉同白玉。芝士蛋糕食落幾滑，但略嫌抹茶味唔夠突出，食落只有淡淡抹茶味。相反抹茶雪糕幾出色，有濃郁嘅抹茶味，正！白玉口感煙un，紅豆蓉好腍身，甜甜地幾好味😄跟餐杯桃味焙茶幾特別，因為有個小漏斗俾客人計算第二及第三次泡茶嘅時間，每次時間為30秒。杯茶聞起嚟好香桃味，但飲落又冇乜桃味，只飲到焙茶味😂😂😂特製林屋抹茶餡蜜由蕨餅，啫喱，紅豆蓉，抹茶雪糕同白玉組成，另外配有一小樽黑糖漿俾客人自己增添甜度。蕨餅面撒上少許抹茶粉，加上了黑糖漿，口感煙un，甜甜地又食到濃濃嘅抹茶味，唔錯！但啫喱就麻麻，冇乜味，配埋紅豆蓉一齊食會好d😝整體嚟講都唔錯嘅。抹茶半月布丁好迷你，不過味道相當唔錯，口感軟滑，抹茶同奶味洽到好處👍如果份量可以多少少就perfect喇😆