影片
更多
2019-05-12
574 瀏覽
難得風和日麗嘅 Long weekend Day 1，梗係要開個好頭啦，於是全日展示港人強項：無間斷連走3場食、飲、食！其實夜晚𠴱餐係即興嘅，1行6人踩上旅行社攞完料，諗起想試好耐嘅西班牙餐廳就喺附近，於是即訂，好在有位咋。我地叫咗6樣嘢：奄列蛋餅、燒魚、火焰燒雞、鹽燒紅蝦蒜片欖油意粉 (蝦分開上)、海鮮飯、德國鹹豬手伴酸椰菜。啲食物質素唔差，火焰🐔、燒🐟、🐷手都出奇地嫩滑多汁 (啲樣望落以為好乾)。就連我一向唔like嘅🐔胸，咬落竟然有鹹香雞汁滲出！原來吸睛同呃like指數極高𠴱團火既有姿勢又有實際，打扮有型嘅職員姐姐話團火可以即時鎖住啲肉汁，又學到嘢啦。隻🐷手層皮烤/燒得脆口唔韌，裡面啲肉細嫩唔嚡。意粉、海鮮飯裡面嘅蝦係新鮮貨色，大隻、鮮甜有質感 👍。係個飯底唔夠香同略嫌有少少鹹，啲青口肉就離奇地縮到好的骰。朋友留意到餐牌上每道菜都寫明有幾多卡路里😉(我只會留意💰 )。職員姐姐話其中一位老闆係營養師，所以菜式主要用烤焗方式炮製，香口得嚟又較健康。食到尾聲，姐姐問我地仲有冇嘢想加，我地話冇，佢轉頭就捧住個盒同我地講話有得玩抽獎，頭獎係全單1折！！！嘩，責任咁重大，我地冇人敢出手，於是
於是全日展示港人強項：無間斷連走3場食、飲、食！
其實夜晚𠴱餐係即興嘅，1行6人踩上旅行社攞完料，
諗起想試好耐嘅西班牙餐廳就喺附近，於是即訂，好在有位咋。
我地叫咗6樣嘢：
奄列蛋餅、
燒魚、
火焰燒雞、
鹽燒紅蝦蒜片欖油意粉 (蝦分開上)、
海鮮飯、
德國鹹豬手伴酸椰菜。
啲食物質素唔差，
火焰🐔、燒🐟、🐷手都出奇地嫩滑多汁 (啲樣望落以為好乾)。
就連我一向唔like嘅🐔胸，咬落竟然有鹹香雞汁滲出！
原來吸睛同呃like指數極高𠴱團火既有姿勢又有實際，
打扮有型嘅職員姐姐話團火可以即時鎖住啲肉汁，
又學到嘢啦。
隻🐷手層皮烤/燒得脆口唔韌，裡面啲肉細嫩唔嚡。
意粉、海鮮飯裡面嘅蝦係新鮮貨色，大隻、鮮甜有質感 👍。
係個飯底唔夠香同略嫌有少少鹹，啲青口肉就離奇地縮到好的骰。
朋友留意到餐牌上
每道菜都寫明有幾多卡路里😉
(我只會留意💰 )。
職員姐姐話其中一位老闆係營養師，
所以菜式主要用烤焗方式炮製，
香口得嚟又較健康。
食到尾聲，姐姐問我地仲有冇嘢想加，我地話冇，佢轉頭就捧住個盒同我地講話有得玩抽獎，頭獎係全單1折！！！
嘩，責任咁重大，我地冇人敢出手，於是邀請姐姐欽點其中一位美女做代表，
結果我地抽中全單3折 😱😆，
即係原本$1,560，
折後$567，
搞到我地都👻咁唔好意思 😅。
(我地事後驗證過，堅係有1折波波喺個抽獎箱入面)。
姐姐話折扣抽獎玩足成個5月，
睇吓下次可唔可以再下一城啦 😁。
火焰燒雞
$208
32 瀏覽
0 讚好
0 留言
鹽燒紅蝦蒜片欖油意粉 (蝦另上)
$168
33 瀏覽
0 讚好
0 留言
鹽燒紅蝦蒜片欖油意粉
$168
34 瀏覽
0 讚好
0 留言
燒魚
$208
41 瀏覽
0 讚好
0 留言
奄列蛋餅
$108
27 瀏覽
1 讚好
0 留言
海鮮飯
$428
33 瀏覽
0 讚好
0 留言
香脆德國咸豬手伴酸椰菜
$298
22 瀏覽
0 讚好
0 留言
題外話/補充資料：
可以玩折扣抽獎，最正抽到全單1折
(以上食評乃用戶個人意見 , 並不代表OpenRice之觀點。)
張貼
