影片
更多
2017-09-25
282 瀏覽
時間飛逝，轉眼間又到左賴先生同屈小姐既紀念日！雖然我地仲努力緊要減番大阪之旅既放肆，但為左慶祝下我地既紀念日，就輕輕地食杯紀念性既雪糕啦 今次黎到IFC既《Grom》，係專門賣gelato手造雪糕既。聽聞呢間雪糕係每日新鮮人手製作，味道好出色，所以吸引到一大班粉絲追捧！今日我地黎到，就我地所見，間舖有2個櫃，1個裝滿1支支有粒粒果肉雪條，另一個櫃裝既就係我地今次既目標 - Gelato! 成個櫃眼見有成超過20隻味，一邊就nuts 為主，一邊就果味做主打！Grom既Gelato都索價不菲，要$39起細細杯，賴生2個人所以揀2隻味，即係Small Size，咁就要$59，不過佢既服務都好好，其實廿幾隻味要我地揀2隻都幾困難，所以佢比我地試味既每次試味都會比隻獨立既細羹仔我地，試過4隻目標味道之後，我地有左決定啦 有請Nuts既代表 - Pistachio 開心果味 同 果味既代表 - Coconut 椰子味1) Pistachio 開心果味 （右）：爆5⭐️圖中米黃綠色較扁身果隻就係Pistachio味啦，入口細滑，無冰粒，口感做得唔錯，而且當用隻匙羮"筆"出黎果陣，D雪糕係有拉絲效果嫁
聽聞呢間雪糕係每日新鮮人手製作，味道好出色，所以吸引到一大班粉絲追捧！今日我地黎到，就我地所見，間舖有2個櫃，1個裝滿1支支有粒粒果肉雪條，另一個櫃裝既就係我地今次既目標 - Gelato! 成個櫃眼見有成超過20隻味，一邊就nuts 為主，一邊就果味做主打！
Grom既Gelato都索價不菲，要$39起細細杯，賴生2個人所以揀2隻味，即係Small Size，咁就要$59，不過佢既服務都好好，其實廿幾隻味要我地揀2隻都幾困難，所以佢比我地試味既每次試味都會比隻獨立既細羹仔我地，試過4隻目標味道之後，我地有左決定啦 有請Nuts既代表 - Pistachio 開心果味 同 果味既代表 - Coconut 椰子味
Pistachio & Coconut Flavour (Small)
$59
28 瀏覽
0 讚好
0 留言
1) Pistachio 開心果味 （右）：爆5⭐️
圖中米黃綠色較扁身果隻就係Pistachio味啦，入口細滑，無冰粒，口感做得唔錯，而且當用隻匙羮"筆"出黎果陣，D雪糕係有拉絲效果嫁
但係，最震撼既，唔係口感，而係佢既味道同層次！當你放入口頭1，2秒，你會覺得「車！都冇咩特別者，成$59蚊賣到咁貴，得淡淡輕盈既開心果味，好似比人呃左咁」，但賴生望一望屈小姐對水汪汪既大眼，突然由一雙明月變做一雙彎月，又展露出佢食到佢滿意既幸福笑容，賴生就知道呢杯雪糕應該殊不簡單，賴生就將佢吞落去，咁就出事啦，開心果既味道隨住吞嚥後既秒數逐步上升，就好似由1級颱風警告訊號，慢慢上到3號，上8號，9號，然後上到10號！颶風級既開心果味係口入面肆虐！十級正，佢果種慢慢湧上黎既層次好正！最後，要講講屈小姐既Comment ：「點解我食雪糕會覺得熱氣？好似食左好多開心果咁，呢杯雪糕究竟落左幾多開心果？係食得多先會覺得熱氣架麻~~~」，語畢，隨之而黎既，係第2口開心果雪糕既進攻
2）Coconut 椰子味（左）：5⭐️
圖中白色，高D果隻就係椰子味啦，係賴生揀嫁！同樣地，有拉絲效果！放入口之後，又係滿滿濃濃既椰子味，不過佢就冇味道既層次，入口到收尾，都同樣係咁重椰子味，佢椰子味既濃度又同飲緊純椰汁將近無異！
不過Grom係唔會令你失望既，椰子雪糕係帶椰子肉粒同椰絲嫁！令雪糕充滿粒粒口感！同時又比你知道，真係用椰子整既
最後，賴生同屈小姐都要投訴！點解個雪糕杯已經咁細杯，都仲托高左0.3cm嫁 ，咪食少左囉
投訴完畢，我地決定左下次黎食杯medium，3隻味補番數
#雖然貴但真心好食
#有層次有口感有驚喜
#值得推薦
#TimeFlies
#多謝妳一路以黎既陪伴，體諒同溫柔
#以後要麻煩你繼續照顧我啦
#下次食唔知減完肥未呢~~~
張貼
