Green Waffle Diner (形點) (已結業)

餐廳本身有set dinner，其實都算多嘢食包晒前菜嘢飲等等，主菜有三款可以揀，但我地想食多啲款就散叫。主食叫咗一個白汁risotto同埋Mac and cheese，risotto份量適中，白汁忌廉芝士汁又有啲蘑菇同洋蔥就中和返；Mac and cheese有驚喜，芝士份量好足，每一啖都有拉絲效果，芝士控一定要食。仲有個豬肋骨都好有驚喜，肉基本上唔使切，好腍，攞隻叉扯開就食得，佢有個汁另上，但完全唔使點都好夠味，配菜用上番薯條，味道較甜又健康啲。最後叫咗個鮮果pancake做甜品，有好多唔同款既水果，呢個就好普通，cream加朱古力醬搭埋水果幾好味，有水果口感fresh啲，下次會試下Waffle。