Sleepless

營業中

休息中

假日同男朋友入西貢拍拖，行到攰就見到依一間精緻cafe，就入嚟試吓😋入到嚟裝修好靚，睇得出店主又精心設計過，每一個地方都可以用嚟打卡👍🏻🍴全日早餐全日早餐好豐富，有唔同款嘢食，包括有沙律、乳酪、芝士腸、明太子玉子燒、大烤菇、巴馬火腿同埋窩夫。我最鍾意係明太子玉子燒，玉子好滑😋甜品：十勝紅豆配比利時窩夫配日本特選黑蜜及自家製抹茶雪糕窩夫焗到好香好脆，雪糕抹茶味好濃郁，奶味唔重。雖然有紅豆、黑糖，食落口唔太甜。🐻白熊仔平面拉花拉花好可愛，杯嘢飲係芝麻latte，芝麻好味，奶味偏重。🍫75%伯利茲純黑朱古力朱古力迷必點！朱古力好濃，無溝奶，亦覺有加糖，唔想太苦、又唔想太甜嘅，可以揀75%試試。