達摩元祖麵屋 (已結業)

今晚嚟到尖沙咀，朋友話想食拉麵，於是就揾下附近邊度有得食啦~俾我哋誤打唔撞嚟到呢度，見到大大隻達摩元祖係門口。入到去之後，店員會比一張落單紙，可以揀自己想要嘅湯底同配料，麵都可以分幼麵同埋粗曲麵兩種㗎～今次我就揀咗食幼麵，如果仲想要其他配料嘅話，都可以再追加呀。我哋分別叫左雞骨醬油湯拉麵同櫻花蝦味增湯拉麵，配料有流心蛋，紫菜，湯底好夠味，而且拉麵都有口感呢～有主食緊係要再叫小食啦～雖然兩種小食都係炸物，不過食完之後都唔會覺得好油膩，食飽飽又出發啦~提外話：隔離食緊串燒燒物，好香呀~下次都要嚟試下~