梅光軒 (杏花新城) (已結業)

每次經過都未食過，今次就入去試一試佢，剛好last order前坐低，即刻用掃QR code下單！叫左一個蝦魂，牛肉飯及炸魷魚鬚一客，跟餐連汽水一罐。蝦味噌拉麵，賣相不錯，兩隻蝦已開邊，肉質爽口，味新鮮，可以既。糖心蛋對於拉麵係必定配搭。叉燒非常好味 ！！湯底有點失色，蝦味不太出，有點鹹！！最失望反而係拉麵，像是超市可買的商品，完全將碗拉麵質數完全拉底曬⋯⋯⋯ 和風牛肉飯，肥牛油香可口，相對是一個穩陣的菜色，份量亦很足夠。唐揚魷魚鬚，香口，中規中矩，想飽肚啲可以嗌 😂價格不算很抵，下次有機會再試其他。