Maki拉麵 (已結業)

小鬼放假接我收工帶我食拉麵，拉麵店好近我公司都係油麻地。店舖屬日式設計就連店員都有日本服務態度，友善、有禮加上笑容，讓客人食得開心值得加分。餐牌上除了食拉麵都有好多選擇，特別係串燒。🥢 漬物 - 牛蒡牛蒡有藥用價值營養豐富，醃製過牛蒡充滿醬油味又保留牛蒡獨有味道，是相當不錯的高纖前菜。🥢 小食 - 燒魚翅燒香的魚翅更加香噴噴，非常惹味佐酒伴侶。🥢串燒 - 雞翅膀，牛舌雞翼入味又香噴噴，牛舌更為串燒界王道，牛舌獨特味道加上燒得剛剛熟，口感柔軟中又帶點嚼勁好食到不得了！👍🥢串燒 - 茄子軟軟嫩嫩醬汁又不太槍味好食。🤭🥢拉麵 - 黑蒜油豚骨拉麵係時候主角出場，一層黑蒜香油氣味芳香濃郁，微微呷一口滿嘴充滿黑蒜同豬骨湯精華，再試試個拉麵是用幼身拉麵，入口比較爽滑更易吸湯汁，叉燒份量頗多，肥瘦剛好肉質滑溜不韌，有濃濃脂香，真係有點齒頰留香感覺😋，糖心蛋名副其實糖心，軟滑中帶點香甜超好食 ，黑木耳同蔥絲一定要夾麵同食有另一種口感。😋😋👏👏🥢拉麵 - 特濃豚骨拉麵小鬼的拉麵試了一口湯底，相對我碗黑蒜味道清一點，可以品嘗到純豬骨濃湯濃郁味道。👍🥳非常豐富一餐多謝小鬼。