八番屋 (已結業)

放學同朋友去大埔食飯，我地叫咗個二人套餐。佢有幾款二人套餐，我地揀咗C餐$268。套餐可以揀兩個主食、串燒盛、甜品同埋兩杯飲品，絕對夠飽。叉燒拉麵拉麵大大碗，湯底濃郁。日式叉燒有好幾塊，每片厚度適中，食落甜甜地。咖喱吉列豬扒丼好耐冇食過咖喱飯，所以決定叫個咖喱飯嚟過下癮！吉列豬扒外皮十分香脆，同咖喱係perfect match！咖喱香濃，唔會太多水又唔會好稠，啱啱好撈完一碗飯～串燒盛串燒盛有雞翼、雞軟骨、牛柳串同埋雞腿肉串。特別想推薦雞腿肉串，佢嘅肉真係好滑！甜品甜品有三款揀，我地揀咗綠茶闕餅。綠茶闕餅淋有蜜糖，蜜糖嘅甜味中和了綠茶粉的苦澀。