拉麵來 (已結業)

呢間位於大坑既拉麵來店鋪面積較少，位置唔多，所以都等左大約25分鐘左右！呢到既裝修好特別呀好靚！我地今次係坐bar枱可以望住佢地整。呢到可以自己揀加多啲配料同濃D/淡D湯底.可以就番自己口味，填完張表就等佢煮啦！豬骨湯味十分香濃豚肉既味道略嫌不足，只食到淡淡既豬肉味。拉麵軟硬適中，一口拉麵一口湯，十分perfect池！食慣大堆頭既我當然覺得份量好少，近80蚊一碗既拉麵份量有點令我失望！女仔會夠食，但男士們肯定唔夠食囉！