山頭火 (iSQUARE國際廣場)

營業中

休息中

晚上九點幾，睇完戲要食晚飯，I square 都有好多選擇！本來想去旁邊嘅烏冬店，可惜要排隊，因為肥髀仲要返學，唔想佢太晚睡，所以去了旁邊呢間拉麵店！地方日式麵店，有門擋布，店外櫥窗仲有臘製樣品食物！入內一邊卡位，一邊四人枱，深木傢俬，被安排全近門口四人枱！地方闊落，光猛乾淨！食物款式唔算多！食物圖文並茂幾好！店內好像只有一個店員企堂，佢又講緊電話！我舉兩次手都無應我！（其實佢個位係望到我們的！ ）最後要等佢講完電話先落到單！食物好快到：海鮮沙律：好大一碗，個碗都係冰凍嘅，入面多款刺身（三文魚、帶子、熟蝦、三文魚子）熟蝦爽口，有蝦味，帶子厚肉，厚切三文魚新鮮，三文魚子就一般，唔係粒粒都賬卜卜！有啲都幾淋！有好多生菜！爽脆多汁！仲有一堆海帶！煙煙韌韌！配酸甜汁好清新！好味！麵豉拉麵：湯唔夠熱 最憎嘅微暖，已經好失望，湯底濃味唔漿口，而且有一層厚油在面（唔係油會存熱咩？即係一開始就唔夠熱）麵質彎曲唔粗，但無咬口，淋嘅，叉燒好肥淋身，味道正常！好奇怪第一次見日式拉麵用黑雲耳，不過味道唔錯，唔硬好爽口，筍絲切幼了！但整體唔好味！ 炸雞定食：上菜時用一個托盤上，但無主菜炸雞，店員話炸緊要等