霸嗎拉麵 (已結業)

早幾日肥仔接收工，梗係帶我食好野啦。成日心思思想去日本食日本野，經過見到霸嗎就諗都唔諗入去試下!我地今次叫左一個特盛灸燒豚肉拉麵，一個辛辣灸燒豚肉味玉拉麵，一份羽根餃子，一份唐揚炸雞首先講下拉麵，拉麵唔會太淋又唔會硬到未熟咁我自己好中意(我中意偏硬小小嘅)，特盛拉麵係豚骨湯，個豚骨湯唔會鹹得好西利，飲完係有小小頸渴。辛辣個個係我最愛!唔會辣到食唔到 我自己就再加左啲7味粉更香!之後就講下小食啦，炸雞係即刻炸起，我地重因為唔想阻住人收工諗住嗱嗱淋食差啲辣親嘴，哈哈 炸雞唔會好乾，好夠味。餃子上菜個陣我地都嚇親竟然同圖係一樣!但餃子個味就遜色左小小!