麵屋武蔵 虎洞 (北角匯二期)

營業中

休息中

平時好少去北角，完全唔熟呢頭，今日咁啱約咗朋友喺北角行街，順便喺北角匯呢個商場搵嘢食，見到呢間餐廳嘅menu主打係拉麵，就試吓啦🍜🤍 黑虎豚角煮拉麵塊豬肉大塊到成隻手掌咁，好足料好驚喜🤣一層瘦肉一層肥膏，好滋味😋而湯底黑蒜汁都好出色，蒜味香濃，再加半粒溏心蛋一塊紫菜，幾好味！🤍 白虎豬手沾麵沾麵比拉麵就更有口感更彈牙，夾起一注麵再撈落去汁入面食，沾麵汁就相對係濃少少，一個人成晒成碗會比較鹹，同朋友一齊share就啱啱好，而豬手已經切成一片片咁上，味道都唔錯！🤍 梅子青檸梳打梅子酸甜，青檸酸得嚟又好醒神，配埋梳打飲落去感覺好清新🥰