一生懸麵

營業中

休息中

今晚黎左呢間近排好紅既拉麵小店食個晚飯，我6點3左右到，時間尚早唔需要排隊。但係如果正常晚飯時間黎，條人龍係長到不得了。其實之前都試過去九龍灣店，就係太多人排隊所以最後冇食到。網上見到呢間拉麵店大獲好評，今日終於食到，太開心了我地兩個人各嗌左一個拉麵，首先係濃香櫻蝦油拉麵，一上枱見到d櫻花蝦多到鋪滿面櫻花蝦湯頭夠濃，配上豚肉湯底，散發蝦油香味，的確係掂，值得一試！第二碗係二郎系拉麵，比較特別，平時都冇乜見到，我都係第一次聽。呢碗就比較重口味，整體味道比較複雜，蒜味好濃，如果唔中意蒜頭既朋友就唔好嗌啦。兩碗對比既話，我個人係比較中意櫻花蝦拉麵。呢間拉麵店整體黎講都高質素，而且價錢平，性價比極高！屬於回頭率100%既米豬連小店。