麵屋丸京

營業中

休息中

假期去到，排左陣就有位，店員帶左去吧台位，位置好闊落，2個人坐既位其他鋪可能會坐4個，地下有籃可以放袋放褸，冬天去特別方便。🔹真．叉燒拉麵配濃湯$108同行友人就叫左一半普通一半真．叉燒。雖然只得6塊叉燒，但一樣可以鋪滿成碗，視覺效果一流。先試一口濃湯，感覺係清湯入面最後加上背脂，而唔係一開始一齊熬煮，個湯無乜油香，但就肥膩左，早知食清湯算。真．叉燒同普通相比係因為用低溫慢煮，上臺時依然係粉紅色，切得薄薄食落粉嫩配湯底非常唔錯。唔知係咪因為要配合慢煮叉燒，個湯唔算熱，定係我諗多左。另外佢係用鹼水幼麵，個人就鍾意粗麵多D。值得一提佢臺面有辣蒜任加，配叉燒食都幾惹味。🔸極上拉麵 $100一半真叉燒用慢煮而成，另一半普通處理。兩種相對起，我竟然係鐘意普通叉燒多d多左份油香同入口即溶既感覺😋貼心既設計，令到為食既人兩款叉燒都可以試到😋切合獨食者既需要👍🏻🔹三矢梳打水 $24去日本必飲👍🏻原汁原味，唔多地方有，好有日本風味👍🏻另外要讚下佢個日式廁所，天氣轉凍，已經長期開左暖板功能，廁所裡面好寬敞同乾淨👍🏻💬為左佢既叉燒，係值得返轉頭。