麵道 (已結業)

為左碗拉麵，你可以去到幾盡？由港島的柴灣站，萬里長征黎到荃灣，只為一碗拉麵。主打3款湯底的拉麵，有醬油豚骨、龍蝦豚骨和雞白湯。每日限量發售，有錢都未必食到架。我黎到已經賣哂雞白湯拉麵啦，好想試下雞肉叉燒。先黎一枝靜岡抹茶可樂。茶味清清的唔算好濃，可樂配抹茶好特別呀。灸燒牛肉沙律。用上芥末沙律醬，味道清新開胃，配上灸燒牛肉，香口滋味。特盛叉燒溏心蛋龍蝦豚骨湯拉麵。加上蝦油，味道濃香滋味，豚骨湯香濃鮮甜，味道偏重好惹味。叉燒薄薄一片燒得香口，增加味道層次，最鐘意流心溏心蛋。