影片
更多
2021-04-22
25 瀏覽
🍴唐揚炸雞老闆見我地叫左生啤，特登將雞肉炸脆d畀我地送酒，外層真係夠晒脆，咬落亦唔乾。🍴自家製黑豚叉燒拉麵湯底用新鮮豬骨、雞腳、多款蔬菜熬足20個鐘，油脂無坊間日式拉麵湯底咁多，但味道依然濃郁，飲完唔會口渴，果然真材實料。厚切叉燒亦係廚師秘製，肥瘦適中，口感鬆化，有豬味但唔臊，麵條係幼麵，軟滑得黎唔太腍。🍴日式沾麵吧枱牆身寫住「廚師強烈推介」日式沾麵，老闆話係新出嘅魚介沾麵配三文魚刺身，三文魚我就真係麻麻，不過朋友就鍾意食，而我亦都特別鍾情魚介拉麵、沾麵，所以決定試下。麵條選用台灣關廟闊麵，非常爽彈，魚介湯汁鰹魚味突出，濃而不鹹，微涼嘅闊麵浸落熱辣辣嘅濃湯，非常掛汁，呢個配搭好出色。下次有機會仲想試埋用海鮮同全雞熬製嘅大蝦海鮮拉麵，同埋辛辣豬膶拉麵，除左創意拉麵仲有其他主食，附近嘅打工仔真係有口福，過黎食午餐又得，放工飲幾杯亦得。📍娜吧炮台山宏安道18號AIA 大廈地下17號舖
🍴唐揚炸雞
老闆見我地叫左生啤，特登將雞肉炸脆d畀我地送酒，外層真係夠晒脆，咬落亦唔乾。
🍴自家製黑豚叉燒拉麵
湯底用新鮮豬骨、雞腳、多款蔬菜熬足20個鐘，油脂無坊間日式拉麵湯底咁多，但味道依然濃郁，飲完唔會口渴，果然真材實料。厚切叉燒亦係廚師秘製，肥瘦適中，口感鬆化，有豬味但唔臊，麵條係幼麵，軟滑得黎唔太腍。
🍴日式沾麵吧枱牆身寫住「廚師強烈推介」日式沾麵，老闆話係新出嘅魚介沾麵配三文魚刺身，三文魚我就真係麻麻，不過朋友就鍾意食，而我亦都特別鍾情魚介拉麵、沾麵，所以決定試下。麵條選用台灣關廟闊麵，非常爽彈，魚介湯汁鰹魚味突出，濃而不鹹，微涼嘅闊麵浸落熱辣辣嘅濃湯，非常掛汁，呢個配搭好出色。
下次有機會仲想試埋用海鮮同全雞熬製嘅大蝦海鮮拉麵，同埋辛辣豬膶拉麵，除左創意拉麵仲有其他主食，附近嘅打工仔真係有口福，過黎食午餐又得，放工飲幾杯亦得。
📍娜吧
炮台山宏安道18號AIA 大廈地下17號舖
張貼
