麵屋一平安 (已結業)

原本想食八八八拉麵, 點知差唔多成三點仲大排長龍, 唯有放棄. 上返地面見呢間個招牌, 便上去試. 出lift見裝修好靚, 成間居酒屋甘. 有d 懷疑係咪有拉麵食. 入去發覺座位十分闊落, 檯亦好大張. 侍應有好幾個日本人, 亦有幾檯日本客, 似乎係好野. 有趣的係播緊jazz. 好relaxing. 見poster仲有blues night. 打開餐牌見原來其實真係居酒屋. 選擇都幾多. 不過是日想食拉麵.熊本豬骨湯拉麵: 湯底好正, 唔油, 清得黎豬骨味好出. 差唔多成碗飲晒. 麵係蛋麵, 較一般彈牙, 叉燒算幾好, 唔會太靭, 如果可以有隻溏心蛋就perfect了.餃子不過不失, 皮薄係日式餃的特色. 但同出面食的差不多一樣甘油. 奶茶估唔到係港式奶茶, 不過不失.總結: 以食拉麵的舖頭黎講, 呢度真係坐得舒服, 連音樂都relaxing. 價錢相宜. 野食亦不錯. 下次會試下其他食物.