八番屋 (已結業)

個題目訂做「拉麵真係幾好食」，原因係呢到嘅麵條煙靭，而且粗幼適中，質感不錯；我哋叫咗一款冷麵，一款湯麵，都覺得真的不錯。首先係一款時令冷麵，呢個係喜歡清淡口味，或者下次冇乜胃口，又或者唔想食咁Heavy可以點的，冷麵淋上酸汁，非常開胃，其他配料沒有加上調味，整體是非常Fresh的體驗。之後叫咗一碗稍為濃味嘅麻辣豚肉拉麵，麻辣可以自由選擇辣度，我揀左中辣，依然容易入口，豚肉好食，麵條煙靭。跟餐我叫左3件芝麻雞翼，芝麻雞翼新鮮炸起，非常熱辣辣，外皮香脆，雞肉仍夾雜雞油，油香滿溢。飲品方面，我哋叫咗一杯熱美祿、同埋一杯生啤 ，如果跟餐的話，非酒精飲品可以有半價優惠，不錯。