麵道 (已結業)

每次去日本，一定會食拉麵，因為是我最喜歡的日本美食，即使身在香港，有時候都想回咪一下日本風味的拉麵。所以今次同埋我屋企人去呢間位於荃灣的千色匯二樓的麵道。由於排左好耐既關係，已經十分肚餓，等左15分鐘左右終於到我地，餐廳走日本風格，中間放了數張圓桌，還有擺放了不同的日式裝飾物，彷似令人置身於日本中用膳一樣。有一點不得不提及的就是餐廳不會安排搭抬坐，對於我這個著重私隱的人來說，十分讚。但係好遺憾地，有幾種熱門的湯底已經賣晒，所以提提大家，如果要黎試熱門湯底，就要早D呀。所以我最後選擇左豚骨湯底，由於我本人比較偏愛辣味，所以最後點了辛口特盛叉燒味玉醬油豚骨湯拉麵。等左差唔多10分鐘，一碗香噴噴的拉麵就已經送到我面前，大家千祈唔好睇少呢個湯底，從我入口的第一啖湯我就知道，這是我在日本吃過的味道，十分地道，值得一讚。另外，餐廳選用幼麵條，十分彈牙，叉燒肉質柔軟，加上肉上的芝麻，使叉燒更添口感。加上拉麵配以全隻溫泉蛋，咬入去就立刻流漿，正呀！最後我加配了在香港很少看到的櫻花可樂 （$28），甜度適中，在夏天都可以涼透心。總結來說，呢間拉麵餐廳令我十分驚喜，有種令我重拾日本風情的感覺，附近美食琳瑯