鶴亀 (已結業)

同女友繼續拉麵之旅,今次既目的地係位於尖沙咀漢口道,<鶴龜>拉麵店,離地鐵站只需十分鐘路程,十分方便。招牌同門面都係以木材作裝飾,店內以簡單裝飾為主,柔和既燈光,背包可以放在座位下的籃子內。睇睇餐牌,主要有拉麵同沾麵,我點左海老帆立貝沾麵,女友就點左辛辣豚骨拉麵,另外加多一份芝士年糕。海老帆立貝沾麵配料十分豐富,一隻大蝦,兩隻帆立貝,半隻糖心蛋,三塊豚肉,冰涼粗身麵條配上香濃既沾汁,質感重而且掛湯力強,麵條食落好有質感。辛辣豚骨拉麵,香濃辛辣湯底,刺激味蕾,糖心蛋控制得岩岩好,半流心狀態,甜而香滑。芝士年糕一客有五件,即叫即做,夠晒熱。