影片
更多
2018-04-10
135 瀏覽
其實我好中意食拉麵🍜🍲！所以當我聽到有拉麵放題，我就即刻捉埋老公🏃🏼♀️🏃🏻♂️🤷🏻♂️去試！.佢個放題係首先叫左一碗拉麵之後，再加$20, 就可以無限任叫配料，唔止可以加底要拉麵，仲可以任叫豚角煮，叉燒，紫菜，粟米，連溏心蛋都係無限任叫！痴線架！💃🏻明知我最中意食溏心蛋！.只係得拉麵配料任叫邊度夠，佢仲有$1隻鹽燒雞翼，又係無限量任叫.如果想喪飲汽水🥤，果汁🍹，日本啤酒🍺，呢度都仲有得$38任飲，平時日本啤都唔平，我就真係好少飲，如果岩飲既人實可以飲到回本！日本啤都有三款可以揀: 麒麟，Sapporo同 asahi 🍻____________________________呢度除左大路豚骨湯拉麵，湯底都有好多款選擇，連喇沙，咖哩都有，難得有咁多選擇，今次揀左特別少少既櫻花蝦同墨汁拉麵🔹雪 達摩 櫻花蝦味噌拉麵 $78麵可以揀粗麵幼麵, 可以揀要唔要葱，荀，蒜蓉, 叉燒都有選擇，可以揀薄切豚腩，薄切豚肩，或者厚切腩肉, 我揀左豚肩.一送上黎見到櫻花蝦鋪滿拉麵，而且聞落都幾有鮮香蝦味，雖然食落無想像咁大尋蝦味，不過淡淡既蝦味都仲係好鮮味，而且呢個配搭都算幾新鮮，碗麵仲配埋三大片既豚肩肉，
.
佢個放題係首先叫左一碗拉麵之後，再加$20, 就可以無限任叫配料，唔止可以加底要拉麵，仲可以任叫豚角煮，叉燒，紫菜，粟米，連溏心蛋都係無限任叫！痴線架！💃🏻明知我最中意食溏心蛋！
.
只係得拉麵配料任叫邊度夠，佢仲有$1隻鹽燒雞翼，又係無限量任叫
.
如果想喪飲汽水🥤，果汁🍹，日本啤酒🍺，呢度都仲有得$38任飲，平時日本啤都唔平，我就真係好少飲，如果岩飲既人實可以飲到回本！日本啤都有三款可以揀: 麒麟，Sapporo同 asahi 🍻
____________________________
呢度除左大路豚骨湯拉麵，湯底都有好多款選擇，連喇沙，咖哩都有，難得有咁多選擇，今次揀左特別少少既櫻花蝦同墨汁拉麵
🔹雪 達摩 櫻花蝦味噌拉麵 $78
麵可以揀粗麵幼麵, 可以揀要唔要葱，荀，蒜蓉, 叉燒都有選擇，可以揀薄切豚腩，薄切豚肩，或者厚切腩肉, 我揀左豚肩
.
一送上黎見到櫻花蝦鋪滿拉麵，而且聞落都幾有鮮香蝦味，雖然食落無想像咁大尋蝦味，不過淡淡既蝦味都仲係好鮮味，而且呢個配搭都算幾新鮮，碗麵仲配埋三大片既豚肩肉，半隻溏心蛋，食完都幾飽肚下
.
🔹多摩達摩 墨魚汁🐙拉麵 $78
個墨魚汁成碗黑媽媽咁，唔識食可能會嫌棄佢，不過就真係走寶喇！
.
佢食落比櫻花蝦更有咸鮮味，不過我蠢左，下次應該叫返曲麵，因為曲麵會更掛汁！配料今次叫左豚角煮，好淋同埋會比叉燒多啲油脂味，岩晒重口味既我！
.
🔹芝麻雞翼 3隻 $38
$1雞翼好香脆，而且一啲都唔細隻，係平時m記食到既size, 好抵玩，我眼見每枱都起碼會叫8,9隻。🐤
.
除左$1隻既雞翼，佢都仲有芝麻雞翼可以叫，我叫黎純粹係比較下，佢用既係全翼，同埋面頭曬左啲芝麻一齊炸，脆口過$1雞翼少少，同多左丁丁芝麻香，覺得邊樣岩食就自己揀喇！
.
🔹七味雞軟骨 $38
炸得好脆身，而且唔油，雞軟骨痴住既肥膏都被處理左，炸粉亦唔算厚，配酒一流！
.
🔹Apple cider $25
好飲，不解釋🤟🏻🤟🏻
.
🔹Sapporo $22
係一款較淡，易入口既日本啤酒，個人覺得好岩一班朋友，飲完唔會覺得好重酒精，但又可以high high 地啤佢一啤！
.
💡優惠只在非假日時段全日供應
💡夜晚都有小小人龍，要預早少少去拎位喇
💡入座時限係1個鐘15分鐘
張貼
