拉麵Jo

營業中

休息中

朋友介紹話呢間餐廳既拉麵同沾麵好食，講左好耐，終於有時間黎試下。呢間餐廳面積細細，開放式廚房，食客可以一邊食野一邊欣賞拉麵師傅工作。我地叫左一個拉麵同一個沾麵，仲有小食同飲品。餐廳既叉燒採用低溫處理，肥瘦適中，食落好嫩滑，肉質一啲都唔會柴同乾。拉麵同沾麵既麵質都係我比較鍾意既，都有彈性，配上香濃既湯汁，滿口滋味。小食都唔錯，熱辣辣上枱，炸雞軟骨炸得好脆；蔥花牛舌都好爽脆又厚身，配上蔥花可以中和膩感。