愛上米線 (香港仔中心) (已結業)

米線店愈開愈多，隨處可見，簡直可以媲美7-11,梗有一間係你附近。今日食呢間愛上米線，都有幾間分店，而且除左提供米線外，仲有拌飯，泡飯，仲有葱油餅，真係估唔到吖。火爆肥腸拌米線：肥腸肥美，口感一流，有別平時既滷肥腸。係用青辣椒一齊炒過，但食落唔算好辣，加上拌米線既醬汁好惹味，味道亦好夾。就算配拌飯，相信都係一流美食。酸菜肥牛米線：可能食左濃味既拌米線，再食呢個湯米就顯得清淡左少少。但湯底係用鮮熬湯底，都幾鮮。藤椒雞粒葱油餅：就甘食葱油餅，已經好香好惹味，再加上雞粒，辣辣地更加絕配。蝦醬雞翼：新鮮熱辣，好食，但蝦醬味道略微太霸道，掩蓋左其他味道。醋香青瓜白木耳：青瓜脆加上醋既微酸，好開胃，仲有辣味慢慢滲出，好回味既一個小食。黑木耳就食得多，而白木耳都係第一次食，口感爽口。麻辣豬耳：份量幾多，辣度可能得10小辣，但食落爽脆。