九份•十分 (T Town ) (已結業)

Item: 九份•十分 (T Town )
Rating: 5
Author: smallcrown

Jiufen Shifen (T Town )

318 食評

味道

環境

服務

衛生

抵食

2469

天水圍

$51-100

台灣菜

256

smallcrown

等級4

332

香港愈黎愈多台式餐廳，有名人主打，有台灣登陸，個人非常鍾意食台灣食物，今次尼間餐廳既有主食，又有台灣小食，甜品，仲有特別包點類食物。叫左紅燒牛肉粗麵($65)，阿春麵線($28)，古早醉雞($62)，醉鴨舌($52)，魚丸貢丸湯($22)，香蕉芝麻雪糕鬆餅($58)，胚芽珍珠奶茶，熱薑母茶。牛肉麵一定要叫，有粗/幼麵選擇。首先上枱好大碗，牛肉勁大條，除左有肉之外，更有幾件牛筋。湯底係濃濃既牛肉味，微辣。牛肉煮得"林"，咬完之後，剩底既唔會散開變成碎。有d餐廳既牛肉係碎，或者細細件咁。個人鍾意大大件煮，先夠風味。而配菜有紅白蘿蔔，小唐菜。男仔食一定夠飽。真心覺得，貴/出哂名既牛肉麵唔代表好食，個個人唔同口味。阿春麵線就係細細一碗，但用料十足，有大腸，貢丸粒，另外有3種調味料可以落，分別沙嗲，烏醋，蒜蓉。侍應建議加入醋會好食更多。果然加少少可以提一提味，有得同阿宗麵線比一比。古早醉雞既酒味好重，凍凍地，而且d雞皮好爽口，仲有滑滑既雞脾肉添，有大半隻雞。好少台式餐廳會有得叫尼類型既菜。醉鴨舌，係台灣食過滷水煮法之後就念念不忘，尼個醉酒煮法令鴨舌更香，一碟有大約10隻，好岩做下酒小菜。魚丸貢丸

香港愈黎愈多台式餐廳，有名人主打，有台灣登陸，個人非常鍾意食台灣食物，今次尼間餐廳既有主食，又有台灣小食，甜品，仲有特別包點類食物。

9 瀏覽

0 讚好

0 留言

叫左紅燒牛肉粗麵($65)，阿春麵線($28)，古早醉雞($62)，醉鴨舌($52)，魚丸貢丸湯($22)，香蕉芝麻雪糕鬆餅($58)，胚芽珍珠奶茶，熱薑母茶。

牛肉麵一定要叫，有粗/幼麵選擇。首先上枱好大碗，牛肉勁大條，除左有肉之外，更有幾件牛筋。湯底係濃濃既牛肉味，微辣。牛肉煮得"林"，咬完之後，剩底既唔會散開變成碎。有d餐廳既牛肉係碎，或者細細件咁。個人鍾意大大件煮，先夠風味。而配菜有紅白蘿蔔，小唐菜。男仔食一定夠飽。真心覺得，貴/出哂名既牛肉麵唔代表好食，個個人唔同口味。

阿春麵線就係細細一碗，但用料十足，有大腸，貢丸粒，另外有3種調味料可以落，分別沙嗲，烏醋，蒜蓉。侍應建議加入醋會好食更多。果然加少少可以提一提味，有得同阿宗麵線比一比。

古早醉雞既酒味好重，凍凍地，而且d雞皮好爽口，仲有滑滑既雞脾肉添，有大半隻雞。好少台式餐廳會有得叫尼類型既菜。

醉鴨舌，係台灣食過滷水煮法之後就念念不忘，尼個醉酒煮法令鴨舌更香，一碟有大約10隻，好岩做下酒小菜。

魚丸貢丸湯比較淡，失色左少少，鍾意濃味食物既人就會覺得佢個湯好淡。不過d白魚丸好滑好爽口，而貢丸就不過不失，各款丸有4粒，數量多。

香蕉芝麻雪糕鬆餅，甜品選擇有磚塊麵包，有烤多士，有鬆餅即係窩夫。因為係即叫即整，所以要預大約20分鐘。窩夫非常脆，即使有cream係底，都冇整"林"個窩夫，而且擺碟靚，又有好多cream同生果點綴。除左有芝麻雪糕，仲有雲尼拿添，驚喜。

飲品種類亦多，除左有奶茶，亦有唔同沙冰，果茶。部份飲品可以揀糖度添，夠甜心。胚芽珍珠奶茶既珍珠夠煙韌，而熱薑母茶就好暖胃，夠哂辣，冬天飲既話一流。

晚市人流非常多，價錢大眾化，最讚既係食物選擇多，唔會只係得幾款台式小食揀。餐牌都有排你睇。